Bókuð útborgun bakfærð

Hafi útborgunin verið bókuð er að finna hana undir Ferill – Afgreidd laun. Þar á aðgerðaborðanum er valmöguleiki að bakfæra útborgun.

Kerfið spyr hvort þú viljir örugglega bakfæra útborgun, já eða nei. Þegar valið er Já, spyr kerfið hvort þú viljir bakfæra í fjárhag. Já, við viljum það í langflestum tilfellum.

Þegar útborgunin hefur verið bakfærð flyst hún yfir í Laun í vinnslu og er þá hægt að lagfæra einstöku seðil eða seðla, reikna aftur og bóka. Ef laun hafa verið greidd út er ráðlagt að endurreikna ekki nema þann eða þá seðla sem þarf að breyta. 

Og þá verður einnig að handfæra greiðslu á mismun eða viðskiptafæra ef um kröfu á launþega er að ræða.