Verkraðir
Hægt er að setja upp verkraðir til að auka sjálfvirkni. T.d. minna samþykkjendur á ósamþykkta reikninga með tölvupósti, fjarlægja bið af lánardrottnafærslum eða til að fjöldasamþykkja og/eða fjöldabóka uppáskriftareikninga.
Verkraðarfærslur er hægt að finna með því að fara í leitarhaminn og slá inn verkraðarfærslur.
Sá aðili sem stofnar verkröð verður að vera skráður sem uppáskriftarnotandi.
Fyrir Uppáskriftarkerfi er hægt að nota þessar verkraðir:
Skýrsla 10008015 – Senda sundurliðaðað ítrekun í tölvupósti
Skýrsla 10008016 – Senda ítrekun í tölvupósti
Skýrsla 10008002 – Fjöldasamþykkja uppáskriftareikninga
Skýrsla 10008000 – Fjöldabóka uppáskriftareikninga
Skýrsla 10007951 – Fjarlægja bið af lánardrottnahreyfingum
Til að geta sent tilkynningar í tölvupósti, þarf að gæta þess að skoða stillingar í Uppáskriftargrunni undir Tölvupóstur.
Gjalddagaútreikningur fyrir áminningartölvupóst - Tilgreinir sjálfgefna afmörkun á gjalddaga í áminningartölvupóstum ef notandi tilgreinir ekki sjálfur afmörkun.
Sjálfgefið tölvupóstfang (frá) - Tilgreinir frá hvaða netfangi áminningartölvupóstur er sendur frá.
Birta hlekki í vefbiðlara í tölvupóstum - Tilgreinir hvort það er hlekkur í vefbiðlara (client) í tölvupóstum.
Hér er dæmi um hvernig verkröðin lítur út.
Það þarf að ákveða á hvaða dögum á að keyra verkröðina, upphafstíma og hámarksfjölda tilrauna til keyrslu.
Byrjað á því að finna verkraðarfærslur og smella á Nýtt fyrir nýja færslu.
Þá opnast færsluspjald verkraðar.
Neðar á spjaldinu er flipinn Endurtekning. Þar er skráð á hvaða dögum skýrslan á að vinna og klukkan hvað.
Þegar búið er að fylla út í reitina þarf að virkja keyrsluna með því að fara í Vinna og velja aðgerðina Breyta stöðu í tilbúið. Og því næst að velja Endurræsa. Þá á skýrslan að keyrast á þeim tíma sem er skráður á flipanum Endurtekning.
