Vinnuferlið | Wise handbækur

Færslur eru lesnar inn í kerfið, yfirfarnar og upplýsingum bætt við ef þarf.

Innlestur færslna

Valið er lesa inn kortafærslur. Það er hægt að lesa inn einstaka kort eða öll í einu. Afmarka þarf á dagsetningu, velja eindaga eða þá að afmarka á ákveðið tímabil.

Reitur	Skráning
Kortaflokkur	Tilgreinir kortaflokkinn sem kortið tilheyrir.
Kort	Hér er valið hvort lesa eigi inn kortafærslur fyrir öll kort eða valin kort.
Kortanúmer	Ef lesið er inn valið kort þarf að setja inn númer þess hér.
Dagsetningar	Val um hvort lesa eigi inn eftir eindaga eða afmörkun á færsludagsetningu
Eindagi	Tilgreinir frá hvaða degi á að lesa inn færslur ef notuð er afmörkun en annars hver eindaginn er.
Dags. til	Tilgreinir til hvaða dags á að lesa inn færslur.
Ástand	Tilgreinir stöðu færslanna sem á að lesa inn. Staðan er sett á innkaupavef fyrirtækisins. Hægt er að velja um: ómerktar færslur, nýjar færslur, breyttar færslur, tilbúnar færslur, samþykktar færslur og áður sóttar færslur.

Því næst er valið að sækja færslur. Færslurnar fara þá í óbókaðar kortafærslur á viðkomandi kortum undir kreditkortalisti.

Vinnublað kortafærslna

Hér að ofan er glugginn sem opnast. Hann skiptist í línur og upplýsingasvæði. Upplýsingarsvæðið sýnir ýmsar tölulegar upplýsingar.

Í glugganum er hægt að framkvæma ýmsar aðgerðir sem eru útskýrðar hér fyrir neðan:

Reitur	Skráning
Stjórna	Hér er hægt að velja að eyða völdum línum.
Innlestur	Innlestur færslna frá kortafyrirtæki, sama aðgerð og er lýst hér að ofan.
Bóka	Með að velja þennan hnapp þá eru færslurnar sendar í færslubók eða í uppáskriftarreikning eftir hvor uppsetningin er notuð.
Skipta línu	Hér er færslunni skipt upp í tvær eða fleiri línur sem gæti verið hentugt ef til dæmis tveir aðilar þurfa að samþykkja sitthvora upphæðina sem er inn á sömu færslu eða á að bóka á sitthvora deildina/fjárhagsreikning.
Samþykkja valdar línur	Hér samþykkir viðkomandi línurnar sem á að samþykkja ef uppsetning kerfisins krefst þess að þær séu samþykktar.
Breyta stöðu línu	Ef breyta á stöðu færslu úr óbókað yfir í bókað þá er þessi aðgerð notuð.
Villutékka	Athugað hvort einhverjar upplýsingar vanti áður en bókað er, t.d. hvernig línan bókast.
Forskoða bókun	Hægt að skoða hvernig bókunin mun bókast.
Bóka á biðlykil	Ef færslur eru bókaðar á biðlykil í fjárhagskerfi fyrirtækisins.
Tengt	Flýtileið á spjald kreditkortsins.
Skýrslur	Hægt að taka út kortayfirlit og samantekt óbókaðra kortafærslna.

Færslur

Yfirlit yfir bókaðar kortafærslur er undir hverju korti. Þar er hægt að breyta stöðu úr bókað í óbókað ef þörf er á.