Greiðslusamningar

Hægt er að stofna greiðslusamning út frá viðskiptamannafærslum eða kröfum. Hér er listi yfir alla greiðslusamninga sem stofnaðir hafa verið í kerfinu.

Kröfur eru stofnaðar með nokkrum gjalddögum og sendar í bankann.

Til að stofna nýjan samning er smellt á hnappinn Nýtt og í haus samningsins er Viðskiptavinur valinn. Smellt er á hnappinn Velja færslur til að finna þær færslur sem fara eiga í samninginn.

Til að stofna gjalddaga er smellt á Uppskipting og þar er valinn fyrsti gjalddagi, fjöldi greiðslna og regla útreiknings (lengd tímabils milli gjalddaga). Svo er smellt á Loka. Næst er smellt á Staðfesta til að staðfesta samninginn. Hægra megin í upplýsingakassa er hægt að finna upplýsingar um samninginn. Staðan þar breytist í Virk þegar búið er að staðfesta samninginn.

Að lokum er farið í Stofna kröfu, til að stofna innheimtukröfur út frá samningi og senda kröfu í bankann.

Þessir valmöguleikar eru allir til undir Aðgerðir auk þess sem þar er hægt að Prenta Samning.

Undir Tengt er hægt að velja um að Breyta stöðu samnings í Skráning, Staðfest, Greidd og Loka samning. Þar er líka hægt að Opna kröfu.

Hnappur	Skýring
Velja færslur	Finna þær færslur sem fara eiga í samninginn.
Uppskipting	Skipta færslum upp í nokkra gjalddaga. Skilgreina fyrsta gjalddaga, fjölda gjalddaga og tímabil milli gjalddaga.
Staðfesta	Staðfesta samninginn.
Stofna kröfu	Stofna innheimtukröfur út frá gerðum samningi og samkvæmt þeirri uppskiptingu sem hefur verið skilgreind.
Aðgerðir	Í aðgerðum eru sömu valmöguleikar og listaðir eru hér að ofan en til viðbótar er þar líka hægt að velja að Prenta samning.
Tengt	Hér er hægt að Velja samning > Breyta stöðu samnings og einnig hægt að Opna kröfu, en þá opnast kröfuspjald fyrir fyrstu kröfu greiðslusamningsins.