Stofnun innheimtuaðila

Byrja þarf á að stofna og skilgreina innheimtuaðila, tengja þá við stofnanir og þá viðskiptaflokka sem innheimta á. Viðskiptaflokkar eru eingöngu notaðir í sveitafélögum.
Innheimtuaðili er tenging auðkennis banka á innheimtu hvers greiðsluháttar og viðskiptaflokks og skilgreining á meðferð hvers auðkennis í banka. Til að stofna nýjan innheimtuaðila er smellt á hnappinn Nýtt.

Uppsetningaraðstoð kerfisins getur einnig verið notuð til að setja upp fyrsta innheimtuaðilann.

Reitur	Skýring
Kóti	Stutt heiti innheimtuaðila.
Tegund aðila	Getur verið: Kröfupottur - Notað fyrir greiðsluseðla. Milliinnheimta - Notað fyrir vanskilainnheimtu. Boðgreiðsla - Valitor og Borgun boðgreiðslur. Fruminnheimta - Notað ef innheimtufyrirtæki annast innheimtu að fullu. A-Gíró fyrir A-gíróseðla.
Tegund útprentunar	Þessi skráning tengist stofngögnum en þar eru skýrslur tengdar tegund útprentunar. Getur verið: Greiðsluseðill - Greiðsluseðill prentaður. A-Gíró - A-gíróseðill prentaður. Reikningur - Reikningur án seðils. Annað - T.d. greiðsluseðlar sendir í Offset. Engin útprentun - Sleppa prentun.
Stofnun	Getur verið: td. Landsbanki, Arion banki, Íslandsbanki, sparisjóðirnir, Momentum, Motus, Inkasso, Kvika, Borgun, Valitor. Sú stofnun sem hér er valin ræður því hvaða samskiptaform er valið í gagnaflutningum milli aðila.
Ósendar kröfur	Sýnir fjölda krafna á hvern innheimtuaðila sem búið er að stofna en hafa ekki verið sendar.
Ósendar ógildingar	Sýnir fjölda krafna sem hafa verið afturkallaðar í bókhaldinu en á eftir að senda í banka.
Kennitala kröfuaðila	Hér verður að skrá kennitölu eiganda kröfu.
Lýsing	Lýsandi heiti inniheimtuaðila.
Bankanúmer	Númer þess banka sem innheimtan er vistuð hjá.
Höfuðbók	Höfuðbókarnúmer reiknings sem greiðsla er lögð inn á.
Númer bankareiknings	Númer þess reiknings sem greiðsla er lögð inn á.
Tenging við vefþjónustu	Hér þarf að hafa hak í ef notast er við tengingu sambankakerfisins.
Sjálfgefin samskiptaaðferð	Nafn vefþjónustunnar sem hafa skal samskipti við.
Tengist innheimtuaðila	Tilgreinir annan innheimtuaðila sem tengist þessum. T.d. er hægt að láta greiðslur lesast inn fyrir annan innheimtuaðila þegar búið er að lesa inn fyrir þennan.
Tengjast með öðrum innheimtuaðila	Tilgreinir annan innheimtuaðila sem verður notaður til að tengjast í gegnum. Upplýsingar, svosem notendanafn, lykilorð og vefþjónusta er sótt frá þeim innheimtuaðila.
Auðkenni	Tilgreinir hvaða auðkenni er uppsett fyrir þennan innheimtuaðila.

Hnappur	Skýring
Nýtt	Hér er smellt til að stofna nýjan innheimtuaðila. Notandi er beðinn um að skrá Kóta innheimtuaðila og við það verður til ný lína í töflunni innheimtuaðilar.
Eyða	Eyðir völdum innheimtuaðila, þ.e. þeirri línu sem bendillinn er staddur í.
Breyta lista	Hér þarf að smella til að geta breytt línum í listanum.
Uppsetning	Nánari uppsetning innheimtuaðila.
Vefþjónustur	Hér er sett upp vefþjónusta við banka fyrir valinn innheimtuaðila.
Stofna nýjan innheimtuaðila	Opnar uppsetningaraðstoð til að stofna nýjan innheimtuaðila.
Afrita innheimtuaðila	Aðgerðin afritar uppsetningu innheimtuaðila. Notandi er beðinn um að slá inn nýjan kóta og mun nýi innheimtuaðilinn vera með nákvæmlega sömu uppsetningu og sá sem var afritaður.