Í vinnslu

Þegar greiðsla hefur verið send til viðkomandi banka til greiðslu fer hún sjálfkrafa í stöðuna Í vinnslu. Nýr dálkur, Einkenni greiðslubunka, birtist í greiðsluyfirlitinu. Þessi dálkur inniheldur einkvæmt númer sem sendingarbunkinn fær úthlutað af bankanum. Greiðslan bíður nú staðfestingar á því að bankinn samþykki hana og greiði. Mismunandi er eftir stillingu hjá bankanum hvort viðkomandi reikningshafi þurfi að skrá sig inn í fyrirtækjabankann og staðfesta greiðsluna þar eða hvort greiðslan sé villuprófuð og samþykkt sjálfkrafa af bankanum.

Vinnsla

Eftirfarandi flýtiaðgerðir eru fyrir greiðslur í stöðunni Í vinnslu:

Reitur

Skýring

Uppfæra stöðu

Kerfið sendir inn fyrirspurn um hvern greiðslubunka fyrir sig og kannar hver staða greiðslunnar er í viðkomandi bankastofnun. Ef greiðslubunkinn hefur verið greiddur í bankanum fær kerfið svar frá bankanum og staða færslnanna breytist annaðhvort í Í bókun ef allar forsendur eru réttar en Villa ef færslan hefur farið á villu í bankanum. Ef engin breyting er á greiðslustöðunni verður greiðslubunkinn áfram í stöðunni Í vinnslu.

Spjald

Opnar nærmynd af viðkomandi greiðslu.

Aðgerðir

Eftirfarandi aðgerðarmöguleikar eru til staðar fyrir greiðslur sem eru í stöðunni Í vinnslu:

Reitur

Skýring

Uppfæra stöðu valins bunka

Kannar stöðu valins bunka í bankanum á sama hátt og aðgerðin Uppfæra stöðu undir valmöguleikanum Vinnsla.

Handvirk breyting stöðu

Í undantekningartilfellum, t.d. ef svar berst ekki frá banka er hægt að breyta stöðu færslna handvirkt.

Valmöguleikarnir eru eftirfarandi:

Ef færsla er send í bókun með þessum hætti þarf að gæta þess að handskrá allan áfallin kostnað.

Villumeðhöndlun > Handvirkt skrá inn einkenni greiðslubunka

Aðgerð sem leyfir notanda að skrá handvirkt inn einkenni greiðslubunka og færa valdar færslur yfir í stöðuna Í vinnslu. Þessa aðgerð ætti aðeins að nota ef upp koma vandamál í samskiptum við banka og einkenni greiðslubunka hafa ekki skilað sér þegar greiðslubunki var sendur.