Ný greiðsla

Greiðslur sem greiða á út frá greiðslukerfinu eru skráðar í gluggann Breyta - Greiðsla - Nærmynd. Til að nýskrá staka greiðslu er hnappurinn Ný greiðsla undir Vinnsla valinn.

Þegar ný greiðsla er stofnuð með þessu hætti þarf að fylla út eftirfarandi reiti á greiðsluspjaldinu:

Tegund viðtakanda	Skýring
Lánardrottinn	Valið þegar greiðsla skal bókast á lánardrottna í kerfinu.
Viðskiptamaður	Valið þegar greiðsla skal bókast á viðskiptamann í kerfinu.
Eigin reikningar	Valið þegar greiðsla skal bókast á milli bankareikninga í kerfinu.
*Fjárhagur	Valið þegar greiðsla skal bókast á fjárhagslykil.
*Skuldabréf	Valið þegar greiðslutillaga skuldabréfs er valin.
*Launagreiðsla	Valið þegar greiðsla er launagreiðsla. ATH að greiðslubunki merkist ekki sem launagreiðslubunki í banka með þessari greiðsluaðferð.

*Takmörkuð virkni í BC17

Aðrir reitir	Skýring
Viðtakandi	Stjórnast af Tegund viðtakanda. Fyrir tegundina Eigin reikningar er reiturinn lokaður, en fyrir aðrar tegundir opnast viðeigandi uppflettigluggi, s.s ef tegund viðtakanda er Lánardrottinn opnast yfirlit lánardrottna o.s.frv.
Heiti viðtakanda	Fyllist út sjálfkrafa út frá gildinu sem valið er í reitinn Viðtakandi.
Tegund greiðslu	Hér er tegund greiðslunnar skráð. Eftirfarandi möguleikar eru í boði: Millifærsla Greiðsluseðill A/B gíróseðill C gíróseðill Athugið að ef tegund viðtakanda er Eigin reikningar lokast fyrir þennan reit og hann merkist sjálfkrafa sem Millifærsla.
Af bankareikningi	Hér er valið af hvaða bankareikningi greiðslan skal greiðast. Hér er hægt að fletta upp þeim bankareikningum sem hafa verið skráðir sem rafrænir bankareikningar.
Upphæð greiðslu	Hér er upphæð greiðslu skrá.
Til greiðslu	Hér er valin sú dagsetning sem greiða skal viðkomandi greiðslu. Í glugganum Til greiðslu mun greiðslan ekki birtast fyrr en kemur að réttri greiðsludagsetningu eða ef dagsetningar afmörkun er breytt. Athugið að þessi dagsetning hefur aðeins gildi í Bankasamskiptakerfinu en ekki er um að ræða að senda greiðslur fram í tímann í bankanum. Sjálfgefin dagsetning er dagurinn sem greiðslan er skráð.
Tilvísun	Hér er hægt að skrá 7 stafa tilvísun sem fylgir greiðslunni í gegnum allt ferli bankans.
Tilvísun / Skýring	Hér er hægt að skrá 20 stafa skýringu á greiðslunni sem fylgir yfir til bankans.
Greiðslubók	Hér er hægt að velja inn í hvaða greiðslubók greiðslan myndast ef greiðslubækur eru í notkun.
Viðskiptareikningur	Hér er viðskiptareikningur skráður. Viðskiptareikningar eru aðeins í notkun hjá sveitafélögum.
Senda staðfestingu	Hægt er að senda staðfestingu í tölvupósti, ef það er valið, þá opnast nýtt svæði sem hægt er að slá inn netfang.
Greiðslurönd	Greiðsluupplýsingar eru skráðar inn í reitina fyrir miðjum glugga. Reitirnir sem birtast þar stjórnast af tegund greiðslu. Einnig er hægt að skrá greiðsluupplýsingar með því að smella á punktana 3 aftan við reitinn Tegund greiðslu. Ef um greiðsluseðil er að ræða birtast eftirfarandi reitir þar sem OCR rönd greiðsluseðilsins er slegin inn: Ef um millifærslu er að ræða birtast eftirfarandi reitir þar sem upplýsingar um bankareikninginn sem greiðslan á að fara inn á eru slegnar inn: Í fyrsta reitnum Inná bankareikning er hægt að velja bankareikning sem er tengdur viðkomandi viðtakanda. Ef bankareikningur er valinn frá þessum reit fyllist sjálfkrafa í reitina sem á eftir koma. Ef um A/B eða C gíró er að ræða birtast eftirfarandi reitir: Ef hakað er í reitinn Sækja kt. frá kóta viðtakanda í flipanum Greiðslur í stofngögnum kerfisins, þá setur kerfið kóta viðtakanda í kennitölureitinn í greiðsluröndinni.
Línur	Neðst á greiðsluspjaldinu eru línur en þar er hægt að velja opnar lánardrottnafærslur sem eru tengdar þeim lánardrottni sem er skráður sem viðtakandi á greiðslunni. Með því að kafa ofan í dálkinn Færsla nr. opnast yfirlit með öllum opnum lánardrottnafærslum viðkomandi lánardrottna. Þær færslur sem eru grænar á þessu lista eru þegar tengdar greiðslu í greiðsluferlinu. Þegar lánardrottnafærsla er valin myndast viðeigandi greiðslulína fyrir þá lánardrottnafærslu.

Lykilreitir í upplýsingaglugganum

Hægra megin í greiðsluglugganum eru upplýsingarreitir fyrir greiðsluna.

Reitur	Skýring
Greiðsla tilbúin	Þegar allar nauðsynlegar upplýsingar fyrir viðkomandi greiðslu hafa verið skráðar breytist gildið í þessum reit í Já.
Staða	Staða greiðslunnar.
Greiðist	Segir til um hvenær greiðslan er skráð til greiðslu.
Staða reiknings	Segir til um stöðu útgreiðslureikningsins.
Upphæð greiðslu	Sú upphæð sem skráð er á greiðsluspjaldinu.
Tengd upphæð	Heildarsumma þeirra greiðslulína sem valdar hafa verið.
Áfallinn kostnaður	Heildarsumma áfallins kostnaðar, þ.e. þær greiðslulínur sem hafa Tegundina Vextir, s.s. áfallnir vextir.
Aukagjöld	Heildarsumma viðbættra gjalda, þ.e. þær greiðslulínur sem hafa tegundina Gjöld, s.s. fyrirfram skráðra seðilgjalda.