Staðfest

Þegar búið er að skrá allar nauðsynlegar upplýsingar fyrir greiðsluna er hún staðfest. Greiðslum í stöðunni Staðfest er ekki hægt að eyða.

Efst í glugganum fyrir staðfestar færslur eru afmörkunargluggar fyrir greiðsludagsetningu og útgreiðslureikning.

Reitur

Skýring

Til greiðslu

Hér er hægt að afmarka allar greiðslur til og með þeirri dagsetningu sem hér er slegin inn.

Dæmi: Ef slegin er inn ákveðin dagsetning koma fram allar greiðslur sem eiga að greiðast þann dag og að auki þær greiðslur sem áttu að greiðast fyrir þann dag. Ef greiðsludagurinn er eldri en dagurinn í dag verður greiðslulínan rauð. Kerfið gerir kröfu um að alltaf sé dagsetning í þessum afmörkunarreit. Þegar glugginn er opnaður kemur glugginn sjálfkrafa afmarkaður á daginn í dag.

Útgreiðslureikningur

Hér er hægt að afmarka greiðslur sem skráðar eru með valinn útgreiðslureikning. Þar sem aðeins er hægt að senda greiðslur í einn banka í einu er afmörkun á þessum reit nauðsynleg.

Ef greiðslur hafa verið stofnaðar á annarri greiðsludagsetningu eða tengdar öðrum útgreiðslureikningi þarf að breyta afmörkuninni í þessum reitum til þess a þær birtist í glugganum.

Vinnsla

Eftirfarandi vinnslumöguleikar eru fyrir greiðslur í stöðunni Staðfest:

Reitur	Skýring
Greiða bunka	Þessi aðgerð sendir þær greiðslur sem búið er að merkja til greiðslu í bankanum. Þegar verið er að Merkja greiðslur sem á að greiða, er eingöngu hægt að velja úr staðfestum greiðslum.
Spjald	Opnar nærmynd af viðkomandi greiðslu.
Yfirfara greiðsluupplýsingar	Þessi aðgerð villuprófar valdar greiðslur.

Merkja

Út frá valmöguleikanum Merkja eru þær færslur sem á að senda í bankann merktar. Hægt er að merkja valdar, merkja allar, merkja ákv. fjölda, afmerkja valdar eða afmerkja allar greiðslur.

Aðgerðir

Eftirfarandi aðgerðarmöguleikar eru til staðar fyrir greiðslur sem eru í stöðunni Staðfest:

Reitur	Skýring
Reikna samtals valið	Reiknar samtölu valinna færslna og birtir í sér glugga.
Lagfæra greiðslu	Opnar nærmynd viðkomandi greiðslu, opið fyrir breytingar.
Óstaðfesta valdar greiðslur	Allar valdar greiðslur eru færðar til baka í stöðuna Óstaðfest.
Ógreiddar kröfur í banka	Flettir upp öllum ógreiddum kröfum í banka.
Ógreiddar kröfur ldr.	Flettir upp öllum ógreiddum kröfum viðkomandi lánardrottins í banka.