Vöruverðsútreikningar

Mögulegt er að reikna út söluverð varanna sem eru að koma í tollskýrslunni. Skilyrði fyrir því að hægt sé að reikna söluverð er að það sé búið að reikna kostnaðarverð.

Stillingar

Stillingar fyrir vöruverðsútreikninginn eru í Tollkerfisgrunni

Réttindi – Uppfæra söluverð:  Hér þarf að haka ef á að nota vöruverðsútreikninginn.

Kostnaðarverðs breytingar viðmið:  Hér má setja % sem miða á við og ef kostnaðarverð hækkar umfram þá prósentu m.v. síðasta kostnaðarverð litast línan rauð.

Aðferð söluverðsútreiknings:  Hægt er að velja um hvort Framlegð eða álagning stjórnar meðhöndlun % í útreikningi.

Uppfæra söluverðflokka:  Hér skal haka ef verið er að nota Söluverð en ekki eingöngu verð á vöruspjaldi.

Tegund verðflokks: Ef hakað er í Uppfæra söluverðflokka skal velja hér hvaða tegund söluverðs á að uppfæra. Það þarf að velja annað hvort Allir viðskiptamenn eða Verðflokkur viðskiptamanna.

Verðflokkur söluverðs: Ef valið er Verðflokkur viðskiptamanna í Tegund verðflokks þarf að velja hvaða verðflokk á að uppfæra. Aðeins er í boði að velja 1 flokk.

Framkvæmd vöruverðsútreiknings

Velja þarf Vöruverðsútreikningar í flýtileiðaborðanum (á Aðgerðir flipa)

Þá opnast gluggi sem nýtist til verðútreikningsins.

Lykilreitir í verðútreikningslínunni eru:

Síðasta söluverð:  Það er það söluverð sem er í gildi á vörunni núna skv. síðasta útreikningi

Framlegðar% óbr. söluverð:  Hér er reiknuð út framlegð út frá nýju kostnaðarverði m.v. að söluverð haldist óbreytt. Í dæminu hér að ofan má sjá að framlegðin er orðin neikvæð á vörunúmeri 1001 og 1000, þ.e. kostnaðarverð er hærra en söluverðið.

Nýtt söluverð:  Hér er nýtt útreiknað söluverð m.v. álagninguna sem sett var í reitinn Álagning% og Samtals kostn. á ein (sjá reitinn Kostn.verð (stofn)).

Framlegðar%:  Sýnir framlegðarprósentu m.v. nýtt söluverð og nýtt kostn.verð (44% framlegð=80% álagning)