Uppsetning greiðslumáta

Í uppsetningu greiðslumáta er sett inn tenging á milli staðlaðs greiðsluháttar í BC og greiðslugerða í kerfinu.

Reitur	Skýring
Kóði greiðslumáta	Þetta er staðlaður greiðsluháttur í BC. Greiðsluhættir sem eru settir hérna inn verða að hafa tilgreinda tegund og mótreikning mótbókunar þannig að greiðslur frá SmartPay bókist.
Lýsing	Lýsing á greiðslumátanum. Viðeigandi lýsing fyrir greiðslumáta fyrir kort væri sem dæmi Kortagreiðslur.
Greiðslugerð	Greiðslugerð tengist greiðsluhnöppunum sem boðið er upp á í sölureikningi og sölupöntun. Greiðslumátar með ákveðna greiðslugerð eru tengdir ákveðnum greiðsluhnöppum. Sem dæmi, þá væri greiðslumátinn KORT sem væri með greiðslugerðina Greiðslukort sá greiðslumáti sem væri notaður þegar valinn er Greiða með korti hnappurinn í sölureikningi eða sölupöntun. Ef fleiri en einn greiðslumáti er með sömu greiðslugerð, þá kemur upp gluggi þegar verið er að greiða þar sem velja þarf réttan greiðslumáta.
Debetkort - kóði greiðslumáta	Hér skal tilgreina staðlaða greiðsluháttinn í BC sem nota á fyrir bókun á debetkortagreiðslum ef þær greiðslur eiga að bókast á annan hátt en kreditkortagreiðslur. Er einungis notað ef greiðslugerðin er Greiðslukort.
Auðkenni verslunar	Ef valið er í SmartPay uppsetning að nota greiðslumáta tækis, þá þarf að tilgreina hér auðkenni þeirrar verslunar sem tengist greiðslumátanum.
Auðkenni tækis	Ef valið er í SmartPay uppsetning að nota greiðslumáta tækis, þá þarf að tilgreina hér auðkenni þess tækis sem tengist greiðslumátanum.