Ferðauppgjör

Glugginn Ferðauppgjör sýnir yfirlit yfir öll ferðauppgjör.

Með því að ýta á númer ferðauppgjörs fáið þið eftirfarandi valmynd. Glugginn skiptist í Almennt, Línur, Tengdir reikningar og Upplýsingar. Í Almennt eru settar inn almennar upplýsingar um ferðina, í Línur eru settar inn ítarlegar upplýsingar um einstaka þætti ferðarinnar og Upplýsingar um ferðauppgjör sýnir sundurliðun á kostnaði ferðauppgjörsins.

Almennt

Reitur	Skýring
Nr.	Þegar nýtt ferðauppgjör er stofnað þá fær það sjálfgefið númer sem sett er upp í Númeraröð.
Ferð nr.	Það er valkvætt að tengja ferðauppgjör við ferð en hægt er að skilyrða notkun á því í starfsmannahaldsgrunni. Ef ferð er sótt þá fyllast eftirtaldir reitir sjálfkrafa út frá henni; Tilgangur ferðar, Nánari lýsing, Bókunardags, Deild og Verkefni, Gjaldmiðilskóti, Brottfaradagur, Komudagur Verknúmer og Verkhluti. Þó þessar upplýsingar komi sjálfkrafa frá ferð er hægt að breyta þeim á ferðauppgjörinu.
Starfsmaður nr.	Hér er valinn sá starfsmaður sem er verið að gera upp við.
Tilgangur ferðar	Tilgreinir tilgang ferðar.

Línur

Hér eru skráningarlínur fyrir kostnaðarliði ferðarinnar.

Reitur	Skýring
Tegund	Hér er valin tegund kostnaðar, t.d. dagpeningar, útlagður kostnaður eða akstur. Sett upp í töflunni Tegund ferðakostnaðar.
Kóti	Hér er valin sá kóti sem við á og er aðeins hægt að velja milli kóta sem settir hafa verið undir þá tegund sem valin var.
Lýsing	Lýsingin fylgir kótanum en hægt er að breyta ef við á.
Brottför og Komudagur	Kemur sjálfkrafa skv. því sem skráð er í Almennt en hægt að breyta.
Fjöldi	Kerfið reiknar út fjölda daga og eru bæði upphafs og lokadagur talin með. Það er hægt að breyta fjölda daga ef við á.
Ein upphæð	Kerfið sækir þessar upplýsingar þegar Kóti er valinn en einnig er hægt að skrá handvirkt eða breyta verði.
Upphæð	Kerfið margaldar saman reitina Fjöldi og Ein. upphæð. Það er hægt að skrifa í reitinn upphæð en þá breytist einingaverðið.
Upphæð (HGM)	Þessi reitur margfaldar saman reitina Fjöldi daga, Ein upphæð og Gengi.
Gjaldmiðilskóti upphæðar	Hér er settur inn sá gjaldmiðill sem notaður er við útreikning. Vegna Dagpeninga er almennt notað viðmið frá ríkisskattstjóra, þ.e XDR.
Gengi	Kerfið sækir gengið sem sett er upp á viðkomandi Kóta.
Viðmiðunardags	Dagsetningin sem kerfið notar sem viðmiðunardagsetningu við útreikninga á gengi gjaldsmiðils í uppgjörinu.
Verk nr. og Verkhluti	Hér birtast verknúmer og verkhluti hafi það verið tengt ferðakostnaðinum.
Fjöldi km	Hér skal setja inn þann fjölda kílómetra sem verið er að greiða fyrir þegar um akstur er að ræða.

Tengdir reikningar

Tengdir reikningar eru skráðir til þess að sækja þann kostnað sem tilfellur vegna ferðar, ferðauppgjörs. Tilgangurinn er að sjá heildarkostnað við ákveðið uppgjör.

Reitayfirlit	Skýring
Tegund	Tegund valin sem við á, í starfsmannahaldsgrunni eru settir upp fjárhagslyklar sem tilheyra kostnaði við ferðir.
Númer fylgiskjals	Kafað er eftir færslum á viðkomandi lykil til að tengja við ferðauppgjörið.
Upphæð	Sú upphæð sem er á tengdu fylgiskjali.

Borði á ferðauppgjöri

hnappur	Skýring
Bóka hluta	Þegar lína er komin í ferðauppgjör er hægt að gera það upp við starfsmanninn með því að bóka hluta. Við það myndast innkaupareikningur á allar opnar línur í uppgjörinu sem hægt er að láta kerfið bóka strax en einnig er hægt að opna viðkomandi innkaupareikning og bóka sérstaklega. Með þessu móti helst uppgjörið opið og er því hægt að bæta kostnaði á það eftir þörfum og bóka aftur að hluta síðar. Línur verða grænar ef það er búið að mynda innkaupareikning fyrir greiðslunni.
Bóka ferðauppgjör	Ef allar línur eru komnar inn í ferðauppgjörið má bóka það, virkar á sama hátt og að bóka að hluta.
Loka	Þegar allt er komið inn á ferðauppgjörið sem tilheyri því þá er því lokað og fer það þá í Bókuð ferðauppgjör í valmynd.
Starfsmaður	Ef búið er að setja starfsmann á ferðauppgjörið er hægt að smella hér til að opna viðkomandi lánardrottnaspjald.

Upplýsingar um ferðauppgjör

Hér er samantekt á því sem tengist viðkomandi ferðauppgjöri. Hægt er að smella á upphæðir til að sjá sundurliðun á upphæðunum.