Um kerfið

Með ferðauppgjörskerfi er á einfaldan hátt haldið utan um dagpeningagreiðslur og útlagðan kostnað starfsmanna, bæði innanlands og utan, sem og greiddan akstur skv. akstursbók. Hægt er að nota alla þá gjaldmiðla sem settir hafa verið upp í fjárhagshluta NAV kerfisins við útreikning á útlögðum kostnaði. Þegar skráningu er lokið og starfsmaður hefur undirritað staðfestingu er ferðauppgjörið bókað. Þegar ferðauppgjör er notað óháð Wise Starfsmannakerfi er alltaf verið að bóka á lánardrottinn. 

Gengi uppfærist um leið og gengi er lesið inn í lista Gjaldmiðils. Einnig er auðvelt að uppfæra gengi á SDR, upphæð dagpeninga innanlands pr. dag og kílómetragjald. Það er venjulega gert 1x – 2x á ári (eða þegar ríkisskattstjóri breytir viðmiðunum).  

Hægt er að prenta út ýmsar skýrslur t.d. óbókað og bókað ferðauppgjör, kostnað per ferð og yfirlit bókaðra ferða per tegund. 

Ferðir

Með því að stofna ferðir og tengja við ferðauppgjör er auðvelt að sjá heildarkostnað ferða. Einnig er hægt að stofna mörg ferðauppgjör á fleiri en einn aðila með einni aðgerð. Að stofna ferðir er valkvætt, sett upp í Ferðauppgjörsgrunni í þeim tilgangi að geta séð heildarkostnað niður á ferðir.

Ferðauppgjör

Ferðauppgjör eru tengd við starfsmenn sem lánardrottna. Innkaupareikningar myndast við bókun á ferðauppgjöri og er valkvætt hvort innkaupareikningar bókist strax eða eftir á. Með því að tengja ferðauppgjör við lánardrottna og mynda innkaupareikninga er hægt að nýta sér aðra kerfishluta í NAV kerfinu eins og greiðslutillögur lánardrottna og greiða alla leið út frá bankakerfinu. 

Undir ferðauppgjör má sjá öll ferðauppgjör ásamt ýmsum aðgerðum. Upplýsingasvæði hægra megin heldur utan um heildarupphæð úr línum þ.e. samanlagðar dagpeningagreiðslur, akstursgreiðslur og greiðslur vegna útlags kostnaðar. 

Lestur handbókar

Til að auðvelda lestur og skilning á efni handbókarinnar þá er mikilvægt að lesandi kynni sér eftirfarandi atriði sem unnið er út frá í skýringum á aðgerðum í kerfinu.