Hægt er að bóka greiðslur viðskiptamanna; inngreiðslur og lánardrottna; útgreiðslur á einfaldan máta.
Þessar leiðbeiningar eiga við um þá sem ekki notfæra sér banka- og innheimtukerfi Wise, sem eru lausnir sem senda gögn beint í og úr Business Central yfir í íslensku bankana.
Þegar bóka á greiðslur frá viðskipamönnum er aðgerðin Skrá greiðslur viðskiptamanna valin á aðgerðaborða viðskiptamannalistans.
Við það opnast þessi gluggi hér fyrir neðan. Þar þarf að velja inn í hvaða bókarkeyrslu færslurnar eiga að bókast, til dæmis inn í sjálfgefnu inngreiðslubókina. Númeraröð þeirrar bókar sem er valin í uppsetningunni verður notuð sem fylgiskjalsnúmer færslnanna.
Hægt er að velja hvort mótreikningurinn sé bankareikningur eða hvort bóka eigi beint inn á ákveðinn fjárhagslykil. Í dæminu hér til hliðar er bankareikningur valinn sem mótreikningur. Síðan er valið Í lagi. Við það opnast nýr gluggi þar sem hægt er að haka í þær færslur sem var verið að greiða.
Athugið að einungis þær færslur viðskiptamanna sem hafa einhverjar eftirstöðvar koma í þessum lista.
Hér er hakað í færslurnar sem var verið að greiða (1) og greiðslurnar bókaðar (3). Hér þarf að passa upp á bókunardagsetninguna (2), en dagsetningin sem kemur sjálfkrafa er vinnudagsetning kerfisins, sem er dagurinn í dag nema annað sé tekið fram. Sjá kafla Mínar stillingar fyrir nánari upplýsingar um vinnudagsetningu kerfisins.