Uppsetning innheimtuaðila
Veljið Stjórnun og veljið svo Uppsetning innheimtuaðila.
Því næst er farið í spjald innheimtuaðila með því að velja réttan innheimtuaðila og valin aðgerðin Uppsetning.
Stuðst er við innheimtusamning sem gerður hefur verið við bankann þegar helstu stillingar eru settar inn. Skýringar eru við þá reiti sem verða að vera útfylltir, aðrir reitir eru fylltir út ef við á. Farið vel yfir bókunaruppsetningar til að vera viss um að þær séu eins og þið óskið.
Innheimtukerfi – stillingar
Veljið Stjórnun og veljið svo Innheimtukerfisgrunnur.
Því næst þarf að setja upp stillingar innheimtukerfisins. Það er gert í verkhlutanum Stofngögn Innheimtukerfis. Búið er að fylla út í helstu reiti en það þarf að fara yfir eftirfarandi atriði:
Greiðsluháttur/Innheimtuaðila
Veljið Stjórnun og veljið svo Greiðsluháttur / Innheimtuaðila.
Í þessari töflu er settur inn sá innheimtuaðili sem nota á. Byrjið á að velja Breyta lista áður en listanum er breytt.
Í reitinn Greiðsluháttur er valinn sá greiðsluháttur sem þeir viðskiptamenn sem eiga að fá kröfu í banka, eru merktir með. Í reitinn Innheimtuaðili er síðan valinn sá innheimtuaðili sem þið munið nota.
Veljið Viðskiptamenn og finnið þá viðskiptamenn sem eiga að fá kröfu í banka. Opnið viðskiptamannaspjaldið og passið að undir flipanum greiðslur í reitnum Kóði greiðslumáta sé sami kóði og er í greiðsluháttur/skilmálar hér fyrir ofan. Athugið að merkja viðskiptamenn með þessum valda greiðslumáta svo það sé öruggt að þeir fái kröfurnar í bankann.
Notendur vefþjónustu
Það þarf að setja upp notendur og lykilorð þeirra til að tengjast við bankann beint úr Business Central.
Veljið Stjórnun og veljið svo Uppsetning innheimtuaðila.
Því næst er farið í spjald innheimtuaðila með því að velja réttan innheimtuaðila og valin aðgerðin Vefþjónustur:
Þegar þangað er komið þá er valið Notendur.
Þá opnast þetta spjald. Hér er sett inn Notandi í Business Central, Notandanafn í bankann og Lykilorð í bankann.
Uppsetning á búnaðarskilríki
Setja þarf upp búnaðarskilríki fyrirtækisins til að geta tengst bankanum beint úr kerfinu.
Byrjað er á að fara í leitina uppi í hægra horninu eða Alt+Q og ritað uppsetning wise, smellt er á Uppsetning Wise vefþjónustu.
Þá þarf búnaðarskilríkið að vera aðgengilegt á tölvu þess sem setur það upp, smellt er á þrjá punktana til að hlaða upp skilríkinu.
Hér er hakað í Hlaða inn skilríki og í lagi.
Þá opnast þessi gluggi, þar sem skilríkið er fundið á tölvunni og hlaðið upp.
Þegar búið er að hlaða upp skilríkinu kemur þessi gluggi og smellt er á Í lagi
Því næst þarf að setja inn lykilorð skilríkis
Ef búnaðarskilríki hefur verið hlaðið upp og allar tengingar virkar kemur sjálfkrafa inn gildístími skilríkis
Nú ætti uppsetningu Innheimtukerfisins að vera lokið og hægt að stofna kröfur.