Gengisfletting

Aðgerð fyrir gengisflettingu

Hér er skráð hvaða aðgerðarkóti stendur fyrir gengisflettingu.

Sjálfgefinn banki

Hér er hægt að skrá inn hvaða banki er sjálfkrafa valinn þegar gengisfletting er opnuð.

Tegund gengis

Hér er hægt að skrá inn hvaða gengistegund er sjálfkrafa valin þegar gengisfletting er opnuð. Möguleikarnir eru Gengi viðskiptabanka, Tollgengi og Seðlagengi.

Gengisupplýsingar fyrir innlestur

Hér er hægt að skrá hvaða gengisupplýsingar eru sjálfkrafa valdar þegar gengisflettingin er opnuð. Möguleikarnir eru Kaupgengi, Sölugengi og Miðgengi.

Gjaldm. Íslands – Gengisinnl.

Ef grunngjaldmiðill er annar en ISK og verið er að nota Viðmiðunargengi í Gengisflettingunni, skal hér skráður kóti sem notaður er fyrir íslenskar krónur. Í langflestum tilfellum ISK.

Sjálfgefinn gjaldmiðill innlesturs

Hér þarf að setja inn þann gjaldmiðil sem lesið er inn í. Afritast í Viðmiðunargengi í Gengisflettingarglugganum.

Lesa gengi inn í þetta fyrirtæki

Setja þarf hak í þennan reit ef halda á utan um gengisskráningu í viðkomandi fyrirtæki. Annars skráist ekki gengi í gengistöfluna.

Lesa inn viðbótargengi

Hér er hægt að velja hvort kerfið eigi að flytja inn viðbótargengi frá bankanum. Dæmi um viðbótargengi eru gjaldmiðlar eins og PLN (Pólskt slot), RUB (Russnesk rubla), CNY (Kínverskt júan). Viðbótargengi er aðeins í boði ef gengið er lesið inn frá Seðlabanka Íslands, en mismundandi er hvaða gengi viðskiptabankarnir eru að skila.

Lesa inn vísitölu neysluverðs

Hægt er að lesa inn vísitölu neysluverðs frá Seðlabanka Íslands og skrá hana inn sem gjaldmiðil inn í kerfið. Innlestur á vísitölu neysluverðs er framkvæmd í gegnum gengisinnlesturinn og er síðasta skrefið í því ferli. Ólíkt innlestri á viðbótargengi, þá er hægt að framkvæma innlestur á vísitölu neysluverðs þrátt fyrir að gengið sé lesið inn frá öðrum banka en Seðlabanka Íslands.
Vísitalan er síðan skráð inn miðað við gildistíma hennar en ekki miðað við dagsetningu innlestrar.

Gjaldmiðilskóti fyrir vísitölu neysluverðs

Hér þarf að velja hvaða kóta á að skrá fyrir vísitölu neysluverðs. Sjálfgefinn kóti er NVT.