Vinnuferli afstemminga
Hér er sett fram einfaldasta mynd vinnuferils og er hugsuð fyrir notendur að nota sem tékklista við þessa vinnu.
Nýtt yfirlit stofnað með því að smella á hnappinn Nýtt og bankareikningsnúmer valið inn
Lokadagsetning tímabilsins sem á að stemma af er slegin inn
Smella á hnappinn Sjálfvirk jöfnun
Ýta á hnappinn Í lagi
Smella á hnappinn Sýna ójafnað sem er undir flipanum Jöfnun
Jafna þær færslur sem standa eftir
Smella á hnappinn Sýna allt sem er undir flipanum Jöfnun
Smella á hnappinn Bóka og bóka yfirlitið
Nýtt yfirlit stofnað og númer bankareiknings er sett inn
Nýtt yfirlit er stofnað með því að smella á hnappinn Nýtt og að því loknu er bankareikningur valinn í reitinn Númer bankareiknings. Þá fyllist sjálfkrafa út í reitinn Nr. yfirlits næsta númer við síðasta bókaða yfirlit á þennan tiltekna bankareikning.
Einnig fyllast út upphæðarreitirnir til hægri á haus yfirlitsins. Staða síðasta yfirlits sýnir lokastöðu síðasta bókaða yfirlits. Lokastaða yfirlits sínir lokastöðu þess yfirlits sem verið er að vinna með og á sú upphæð að stemma við bankayfirlit þann dag sem valinn hefur verið í reitnum Dags. yfirlits.
Sjálfvirk jöfnun
Þegar smellt er á hnappinn Sjálfvirk jöfnun opnast nýr gluggi Sjálfvirk afstemming.
Undir flipanum Valkostir eru upplýsingar um númer bankareikningsins sem verið er að vinna með, númer afstemmingar, dagsetning og afstemmingaraðferð sem nánar er skýrð í kaflanum. Ef það þarf að breyta þessu stillingum er það gert í stofngögnum Bankasamskiptakerfisins.
Reitur | Skýring |
|---|---|
Fjöldi daga á undan | Í þessa reiti er hægt að fylla út þá dagafjölda sem þú vilt leyfa kerfinu að hafa í skekkju ef opið er fyrir þann möguleika í kerfinu skv. stillingum í Bankasamskiptagrunni. Að öllu jöfnu er haft 0 í þessum reit nema sérstakar ástæður gefi tilefni til annars. |
Fjöldi daga á eftir | Samsvarandi er virkni reitsins Fjöldi daga á eftir. Að öllu jöfnu er haft 0 í þessum reit nema sérstakar ástæður gefi tilefni til annars. |
Sleppa jöfnun | Ef hakað er í þennan reit þá eru rafrænar bankahreyfingar lesnar inn í afstemminguna en ekki reynt að stemma af við bókhald. |
Slétta upphæð | Upphæðir eru rúnaðar upp í heila tölu áður en þær eru bornar saman. |
Jafna á móti | Gefur möguleika á að jafna á móti upphæð eða eftirstöðvum. Að jafna á móti eftirstöðvum er notað í þeim tilvikum þar sem færslur hafa verið jafnaðar að hluta og óskað er eftir því að kerfið leiti að og jafni eftirstöðvar færslunnar. Þegar smellt er á hnappinn Í lagi sækir kerfið færslur þessa bankareiknings sem áður hafa verið lesnar inn frá bankanum (sjá kaflann Innlestur bankahreyfinga) og les þær saman við færslur sem bókaðar hafa verið á þennan bankareikning í BC. Glugginn lokast og sýnin færist aftur yfir á afstemminguna. Færslurnar sem jafnast með sjálfvirkri jöfnun merkjast grænar og feitletraðar, aðrar sem sitja eftir þarf að meðhöndla sérstaklega. |
Lokastaða yfirlits og Staða alls | Sýnir lokastöðu þess yfirlits sem verið er að vinna með. Sú upphæð á einnig að stemma við bankayfirlit þann dag sem valinn er í dags. yfirlits. |
Sýna ójafnað
Þessi hnappur afmarkar þær línur sem ekki hafa jafnast sjálfvirkt út og þarf því að handjafna.
Með því að smella á hnappinn auðveldar það vinnuna þegar verið er að vinna við handjöfnun. Um leið og upphæð hefur verið jöfnuð dettur hún út vegna þessarar afmörkunar og eingöngu er horft á þær línur sem á eftir að jafna. Þegar allar færslur hafa verið jafnaðar er glugginn því tómur. Þá er smellt á hnappinn Sýna allt.
Handvirk jöfnun
Ástæðan fyrir því að færslur jafnast ekki sjálfkrafa geta verð margvíslegar. Þó eru þrjár megin ástæður fyrir því að færslur jafnast ekki sjálfkrafa, þ.e. dagsetning er ekki sú sama í banka og bókhaldi, ein færsla í banka þarf að jafnast á móti fleiri en einni færslu í bókhaldi eða tvær eða fleiri færslur eru í banka á móti einni í bókhaldi.
Þegar færslur eru jafnaðar handvirkt þarf að velja þær línur sem á að jafna bæði í bókhaldi og í banka. Að því loknu er smellt á hnappinn Handvirk jöfnun.
Sýna allt
Ef smellt hefur verið á hnappinn Sýna ójafnað er glugginn tómur þegar allar færslur hafa verið jafnaðar. Þá er smellt á hnappinn Sýna allt og birtast þá allar línur yfirlitsins.
Yfirlit bókað
Þegar lokið hefur verið við að jafna allar færslur er yfirlitið bókað. Við bókun er bankareikningsfærslunum lokað.
Yfirlitið lokast og færist yfir í bókuð yfirlit. Þau er hægt að skoða beint frá yfirliti Bankareikninga, með því að smella á hnappinn Yfirlit. Einnig er hægt að skoða þau frá Bankareikningsspjaldi með því að smella á samskonar hnapp.
