Handbók fyrir RSM pantanir Wise
RSM pantanir Wise hefur þann tilgang að annast miðlun rafrænna innkaupapantana frá því að innkaupapöntun er gerð, send til birgjans og svo er reikningur frá birgjanum móttekinn og þannig uppfærast upplýsingar á innkaupapöntuninni sjálfri. Aðeins er hægt að nota RSM pantanir Wise ef sérkerfið Rafrænir reikningar Wise er til staðar.
RSM er skammstöfun á rafrænni sendingu og móttöku.
Kerfiseiningin notar XML skeyti og hún styður tækniforskriftir Staðlaráðs Íslands fyrir rafrænar pantanir eða TS 138.
Wise gefur út handbók fyrir öll þau sérkerfi sem fyrirtækið hefur þróað. Handbækurnar taka fyrir virkni kerfanna og er því ekki um kennslubók að ræða. Farið er í gegnum aðalvalmynd kerfisins þar sem útskýrt er hvaða upplýsingar þar eru geymdar og hvaða virkni er í boði hverju sinni.
Þessi handbók fyrir RSM pantanir Wise fylgir útgáfu BC19 eða nýrri.
Wise notar leyfisskrá fyrir sín kerfi. Allir notendur sem nota kerfið þurfa líka að hafa heimildasamstæðuna WISELCS BASIC á sér.
Til viðbótar þurfa notendur að hafa þessar heimildir:
BASE GRUNN
S-FBÓK
WISE H3 IMPORT
Þjónustuborð og frekari aðstoð
Þjónustuborðið okkar er opið alla virka daga frá kl. 09 – 17. Sérfræðingar okkar sitja þar fyrir svörum og aðstoða þig með ánægju.
Hafðu samband ef við getum aðstoðað þig í síma 545 3232, eða með því að stofna beiðni í þjónustukerfi Wise.
Almennt um Wise
Wise er stærsti og einn öflugasti söluaðili á Microsoft Dynamics 365 Business Central bókhalds- og viðskiptahugbúnaði á Íslandi og hefur sérhæft sig í lausnum á sviði fjármála, verslunar, sérfræðiþjónustu, sveitarfélaga, sjávarútvegs og flutninga.
Wise býður mikið úrval hugbúnaðarlausna sem byggir á þeirri hugmyndafræði að gera fyrirtækjum kleift að taka góðar og vel ígrundaðar viðskiptaákvarðanir, byggðar á öruggum upplýsingum úr viðskipta- og birgðakerfum fyrirtækisins. Innan Wise starfar öflugur hópur sérfræðinga með áralanga reynslu í Microsoft lausnum. Þar fyrir utan hefur fyrirtækið sjálft hannað mikinn fjölda lausna fyrir íslenskan markað og jafnframt náð ágætis árangri í útflutningi á lausnum sínum og þjónustu.
Fyrirtækið leggur sérstaka áherslu á ráðgjöf, hugbúnaðargerð og innleiðingu hugbúnaðar ásamt öflugri og persónulegri þjónustu.
Á flóknum úrlausnarefnum er gjarnan hægt að finna einfalda lausn. Það er okkar markmið.