Ritill fyrir lýsingu (Rich text editor)

Í CoreData er hægt að forsníða texta í reitnum Lýsing með nýjum ritli. Hægt er að nota feitletrun, skáletrun, fyrirsagnir, lista, gátlista, töflur, tengla o.fl. svo upplýsingar verði skýrari og auðlesnari – t.d. dagskrá stjórnarfunda.

Athugið: Ritillinn er viðbót sem kveikt er á fyrir hvert kerfi. Ef ritillinn birtist ekki hjá ykkur, hafið samband við CoreData þjónustuna (coredata@wise.is / 550 3900).

Hvar er ritillinn notaður?

Ritillinn birtist í reitnum Lýsing þegar verið er að stofna eða breyta:

• Verkefnum

• Verkliðum

• Skrám / skjölum

• Viðskiptavinum / tengiliðum

• Eignum

• Fjöldabreytingu (breyta mörgum í einu)

Tækjastikan

Efst í reitnum er tækjastika. Ef músinni er haldið yfir hnappi birtist heiti hans.

Hnapparnir, frá vinstri til hægri:

Svona forsníður þú texta

1. Opnaðu formið til að stofna eða breyta (t.d. Nýtt verkefni eða Breyta á yfirlitssíðu verkefnis).

2. Skrifaðu textann í reitinn Lýsing.

3. Veldu (merktu) textann sem á að forsníða og smelltu á viðeigandi hnapp á tækjastikunni.

4. Smelltu á Vista neðst í forminu.

Gott að vita: Ritillinn breytir ekki texta sjálfkrafa á meðan þú skrifar. Ef þú skrifar t.d. #, -, 1. eða > í upphafi línu helst textinn nákvæmlega eins og þú skrifaðir hann. Forsnið er eingöngu sett á með tækjastikunni eða flýtilyklum.

Fyrirsagnir og tilvitnanir

Settu bendilinn í línuna og veldu Fyrirsögn 1–6 eða Tilvitnun í fellilistanum Blokkgerð. Veldu Málsgrein til að breyta aftur í venjulegan texta.

Listar

• Veldu Punktalisti, Númeraður listi eða Gátlisti á tækjastikunni.

• Enter býr til nýtt atriði í listanum.

• Tab færir atriði inn um eitt stig (undirlisti), Shift+Tab færir það til baka.

• Ýttu á Enter í tómu atriði til að hætta í listanum.

• Í gátlista er hakað við atriði með því að smella á reitinn – kláruð atriði birtast yfirstrikuð.

Tenglar

1. Veldu textann sem á að verða tengill.

2. Smelltu á Búa til hlekk og límdu inn slóðina.

3. Staðfestu. Þegar lýsingin er skoðuð opnast tengillinn í nýjum flipa og netföng opna póstforritið.

Töflur

Smelltu á Setja inn töflu og skrifaðu svo beint í reitina. Þegar bendillinn er í töflunni birtast stjórnhnappar til að bæta við eða eyða línum og dálkum.

Sýnir (fyrir lengra komna)

• Sniðinn texti – sjálfgefin sýn þar sem textinn birtist forsniðinn.

• Mismunurhamur – sýnir hvað hefur breyst miðað við vistaða útgáfu.

• Upprunahamur – sýnir textann á Markdown-sniði, sem er sniðið sem lýsingin er vistuð á. Hentar þeim sem þekkja Markdown, t.d. til að líma inn tilbúinn texta.

Breyta lýsingu beint á yfirlitssíðu

Frá útgáfu 2026.3 er hægt að breyta lýsingu beint á yfirlitssíðu verkefnis, skráar, viðskiptavinar og eignar, án þess að opna breytingaformið.

1. Opnaðu yfirlitssíðuna og haltu músinni yfir lýsingunni. Rammi birtist utan um hana, ásamt blýantstákni og textanum „Smella til að breyta“.

2. Smelltu á lýsinguna. Ritillinn opnast með sömu tækjastiku og í breytingaforminu.

3. Gerðu breytingarnar og smelltu á Vista. Skilaboðin „Lýsing hefur verið uppfærð“ birtast og lýsingin uppfærist á síðunni.

• Hætta við lokar ritlinum án þess að vista breytingar.

• Ef ýtt er á Esc eða smellt utan við ritilinn lokast hann án viðvörunar og breytingarnar vistast ekki. Óvistaðar breytingar eru þó geymdar tímabundið: ef smellt er aftur á lýsinguna (án þess að fara af síðunni eða endurhlaða hana) opnast ritillinn aftur með breytingunum. Smelltu alltaf á Vista til að vista.

• Ef smellt er á tengil eða netfang í lýsingunni opnast tengillinn (eða póstforritið) í stað ritilsins.

• Ef engin lýsing er til birtist í staðinn texti sem hægt er að smella á til að skrá lýsingu.

• Notendur sem hafa ekki skrifréttindi geta ekki breytt lýsingunni. Sama á við ef skjalið er læst, deilt eða er eldri útgáfa.

Dæmi: Dagskrá stjórnarfundar

Í dæminu hér að neðan er notuð fyrirsögn, feitletrun, skáletrun, aðalatriði, númeraður listi, gátlisti, tafla, tilvitnun og tengill:

Hvernig birtist lýsingin?

Eldri lýsingar

• Lýsingar sem skrifaðar voru áður en ritillinn var tekinn í notkun birtast óbreyttar, t.d. halda línur sem byrja á dagsetningu („15. janúar 2026: …“) sínu útliti og númeri.

• Þegar skjalið er vistað næst er lýsingin vistuð á nýja sniðinu og lítur áfram eins út. Eftir það virkar forsnið eðlilega.

• Sama á við þegar nýtt skjal er stofnað út frá sniðmáti með útfylltri lýsingu.

Ráð: Ef þú sérð forsniðstákn birtast bókstaflega í lýsingu (t.d. **texti** í stað texti), opnaðu skjalið með Breyta og vistaðu það aftur.

Outlook viðbót (Send to CoreData)

• Í nýrri Outlook (Microsoft 365) er ritillinn einnig í boði í lýsingarreitnum þegar tölvupóstur er vistaður í CoreData. Mælt er með nýjustu útgáfu Outlook viðbótarinnar.

• Í eldri Outlook (t.d. Office 2016/2019) er lýsingin áfram venjulegur textareitur og vistast sem óforsniðinn texti.

Ef slökkt er á ritlinum

Ef viðbótin er ekki virk hjá ykkur er reiturinn Lýsing venjulegur textareitur, eins og áður.

Væntanlegt

Eftirfarandi er í þróun og áætlað í útgáfu 2026.4. Þessi síða verður uppfærð þegar virknin er komin í notkun.

• Ritillinn í athugasemdum – sami ritill og forsnið og í reitnum Lýsing.

• Ritillinn í CoreAdmin – lýsingarreitir í sniðmátum og stillingum í CoreAdmin.

Einnig er til skoðunar stuðningur við myndir í lýsingu.

Hafið samband ef spurningar vakna eða ef þið hafið ábendingar: Sími: 550 3900 · Netfang: coredata@wise.is