Greiðslur

Úr aðalvalmynd Innheimtukerfisins er hægt að velja Greiðslur. Hér sækir notandi greiðsluhreyfingar í banka, greiðslur bókast beint í færslubók nema valið sé í uppsetningu á innheimtuaðila að fá þær í færslubók. Hægt er að skoða greiðsluhreyfingar fyrir innlesnar greiðslur og færslur sem enduðu á villu eða ekki af einhverjum ástæðum ekki verið bókaðar er hægt að skoða undir Óbókaðar greiðslur.

Lesa inn greiðslur

Þegar farið er í Lesa inn greiðslur birtist eftirfarandi valmynd.

Velja þarf innheimtuaðila og tímabil.  Greiðslur krafna eru nú lesnar inn og merkjast þá viðkomandi kröfur greiddar og greiðsluupphæð kemur í reitinn Upphæð greiðslu í kröfuyfirliti. Greiðslur bókast í fjárhag og jafnast á viðskiptamenn. Ef ekki hefur verið valin Bein bókun í uppsetningu verða til línur í greiðslubók (sett upp í stofngögnum) og hún er síðan prentuð og bókuð.
Hér er einnig mögulegt að skrifa út kröfur (stofna í banka) og sækja svarskrá.

Greiðslur

Í glugganum merktur Greiðslur er að finna yfirlit um allar greiðslur sem sóttar hafa verið í banka. Hver greiðsla er sundurliðuð í höfuðstól og síðan kostnað sundurliðað á hvert gjald sem innheimt var með kröfunni. Fjármagnstekjuskattur kemur einnig fram.

Óbókaðar greiðslur

Þegar greiðslur eru fluttar inn, birtir kerfið þær greiðslur sem lentu á villu, ef einhverjar eru.

Ýmsar ástæður geta verið fyrir því að færsla fer á villu. Algengast er búið er að kreditfæra reikning sem fellir þá kröfuna niður svo að ekki eru til eftirstöðvar til að jafna við. Önnur ástæða er að einhver mistök hafi átt sér stað við afgreiðslu banka og færsla fari á villu. Notandi þarf að ganga úr skugga um af hverju færslan er á villu og bregðast við samkvæmt því. Til þess eru eftirfarandi aðgerðir:

• Færa greiðslur - færslur sem á að bóka eru merktar og þessi aðgerð valin. Færslur bókast í inngreiðslubók.

• Skrá merktar færslur bókaðar - er aðgerð sem merkir færslur þannig að þær hverfi úr þessum lista. Þetta á að nota ef færslan hefur verið bókuð með öðrum hætti en um inngreiðslubók.

• Færa greiðslur í bók án jöfnunar - flytur merktar færslur í inngreiðslubók án þess að jafna þær móti kröfu. Færsla handjöfnuð í inngreiðslubók eða færslum.

• Villuprófa greiðslur – villuprófar greiðslur frá banka áður en þær eru fluttar í færslubók til bókunar.

• Setja greiðslu á bið – merkir greiðslur á bið. Greiðslur á bið eru ekki lesnar inn.

• Taka greiðslu af bið – tekur greiðslur sem eru merktar á bið, úr bið. Greiðslan verður lesin inn við næsta innlestur.

• Setja greiðslur með villu á bið – Allar greiðslur á villu eru merktar sem Á bið. Greiðslur á bið eru ekki lesnar inn.

• Aðgerðir – Hér er hægt að nálgast nokkrar af aðgerðunum hér fyrir ofan lika.