Skilmálar II

Reitur 

Skýring 

Fjöldi vaxtagjalddaga 

Í þennan reit er einungis skráð þegar um afborgunarlausa gjalddaga er að ræða og aðeins eru greiddir vextir af láni. Hér er tilgreindur fjöldi þeirra vaxtagjalddaga sem líða áður en afborgunargjalddagar taka við. 

Fjöldi mán. milli vaxtagjalddaga 

Þessi reitur er einungis notaður þegar um afborgunarlausa vaxtagjalddaga er að ræða á bréfinu. Hér er tilgreint hversu margir mánuðir líða milli vaxtagjalddaga áður en afborgunargjalddagar taka við. 

Fyrsti vaxtagjalddagi 

Dagsetning fyrsta vaxtagjalddaga er tilgreind í þessum reit. 

Leyfa gjalddaga á helgidögum 

Ef hakað er við reitinn geta gjalddagar lent á helgidögum. Ef ekki er hakað við geta gjalddagar ekki lent á almennum frídögum.

Nota bankagengi 

Gjaldmiðilsgengi getur verið mismunandi milli banka. Ef verið er að nota mismunandi gengi gjaldmiðla fyrir banka þá er hér tilgreint hvaða bankagengi á við um þetta tiltekna bréf. Þetta er eingöngu hægt að nota ef stilling í Skuldabréfagrunni er þannig að verið sé að nota skuldabréfagengi. 

Er lágmarksvísitala 

Ef hakað er í þennan reit lækkar gengi bréfsins ekki niður fyrir grunnvísitölu. 

Er dagsvísitala 

Ef hakað er í þennan reit þá er notast við dagvísitölu í uppreikningi á verðbótum. 

Nota 5 aukastafi í verðbótastuðli 

Ef hakað er í þennan reit þá eru einungis notaðir 5 aukastafir við uppreikning á verðbótum, annars eru notaðir fleiri. 

Óreglulegar afborganir 

Hakað er við þennan reit ef afborganir eru óreglulegar og gera þarf handvirkar breytingar á upphæð afborgunar. Þetta hak kemur í veg fyrir að kerfið yfirskrifi breytingarnar næst þegar afborganir eru uppreiknaðar.