Uppsetningar á EDI

Bókun tolls/aðfl.gjalda: Hægt er að velja hvort kerfið bóki tollagjöld sem eru reiknuð skv. kerfinu eða bóka skv. EDI skeytinu. Réttast er að hafa stillt á EDI ef verið er að nota EDI samskipti. Þá bókast alltaf allt nákvæmlega eins og er í EDI skuldfærslunni.
Færslubókarsniðmát EDI og færslubókarkeyrsla EDI: Hér er sett inn í hvaða færslubók EDI gjöld úr svarskeyti eiga að fara. Þegar aðrir tolla fyrir innflytjanda (t.d DHL) fær innflytjandinn EDI skuldfærsluskeyti fyrir þær sendingar einnig. Ef ekki er til tollskýrsla í kerfinu fyrir því sendingarnúmeri fer EDI skuldfærslan í færslubók sem sett er upp hér Færslubókarsniðmát EDI og Færslubókarkeyrsla EDI. Þannig getur bókari farið yfir þá færslubók þegar skuldfærslurnar berast frá viðkomandi flutningsmiðlara og stemmt af og bókað en þarf ekki að slá neitt inn.
Öll EDI skeyti í færslubók : Möguleiki er að stilla kerfið þannig að öll EDI skeyti fari beint í færslubók, þá fer alltaf allur EDI kostnaður beint í færslubók um leið og EDI skeyti er lesið inn óháð því hvort það sé til tollskýrsla eða ekki.

×